Prej disa ditësh Jennifer Lopez dhe Ben Affleck janë çift i martuar. Ndonëse lajmi mbushi me gëzim të dashurit e tyre, të cilët prisnin ngjarjen, sigurisht që nuk u solli të gjithëve të njëjtat ndjenja.
Një prej tyre ishte edhe Alex Rodriguez, i cili që në momentin e parë që Jennifer Lopez e la për t’u rikthyer në krahët e aktorit, mundohet të tregojë se “është mirë me këtë”. Mirëpo, deklaratat e tij që në ditën e parë të ndarjes treguan të lënduar një mashkull, i cili ende shpreson që partnerja t’i kthehet sërish. Sipas një burimi në Us Weekly, Alex Rodriguez tha se është shumë i lumtur për të dhe Ben Affleck.
“Ai është i lumtur për të. Ajo është me personin me të cilin duhej të ishte”, tha burimi.
Alex Rodríguez Said This About JLo And Proves He’s A Gentleman https://t.co/gOaoHYt74e
— reviewtwist (@reviewtwist1) July 18, 2022
Më pas, ai ka shtuar se edhe ai është në një lidhje të re, gjë që e bën shumë të lumtur. “Alex është në një lidhje të re, duke udhëtuar kudo dhe duke kaluar kohën më të mirë të jetës së tij. Ai është i fokusuar në familjen e tij, karrierën dhe atë që po bën”, tha ai.
Në një intervistë të fundit, pak ditë para dasmës së yllit latin, Alex Rodriguez ka deklaruar për lidhjen e tyre: “Atë që do t’ju them, ua kam thënë edhe disa kolegëve disa ditë më parë. Jennifer Lopez është personi më i talentuar dhe më punëtor që njoh. Gjithashtu, unë besoj se ajo është interpretuesja më e mirë, interpretuesja më e mirë në botë”.
View this post on Instagram
